Tshirendo (O begwa mulwanndwa)

O begwa mulwanndwa tshidele ya vhatendi
Asa redzemulwi mulenzhe naho lufu lu munangoni wawe
Asa ofhi vhuvhi na u tsekiswa nga nyambo dzisa fhati
Nge mbilu yawe avha o khubaredzha nga maipfi lunzwa
Maipfi lunzwa a musiki wa zwivhuya
Yawee shango la mbahe
Novha no tondwa zwihulu nga mpho I sina vhanzhi
No fhiwa musumbandila mupeamululi
Kusini no bebelwa mutshidzi asa diphini nga ula o dzumbama
Fhedzi na kherula lupila lwa shango na dzhenelwa nga dumbu
Daswa dungunudzi la vhushavhelo ha musiki
Vha mavhuthu vho u lilela vhakha di do u lilela
Vha vhalaho nga inwe mitodzi I tsenga vha hana u poidza
Nge vha shavha u ela hayo shamani
Nge vho u lilaho vhau lila kale utshe mufu mutete
Na namusi naho wo tuwa zwenezwo
Vha mavhuthu vha kha divha na iwe mbiluni dzau
Muya wau kha u edele nga mulalo
Wo edela fhedzi zwe wa sia a zwongo lala
Nge vha u humbulaho ndila vha londa mbuya
Zwandani zwau murena
Tanganedza muya wanga
Nga ngoho wau muya ngalavha ya mudzimu wo tanganedzwa
Nge mbiluni wavha wo tenda wa hana mindandaane dzofhani lau
Nge zwothe wa divha uri zwibva ha musiki
Edela nga mulalo mulanda wa mudzimu
Maswina au u hangwele
Na vho hatulaho mufemo wau u hangwele
Nge vha si divhe zwine vha ita