Kule tshikhalani anga mato omu tielela
Mbiluni ndo novha nae nge a dzhena husa bviwi
Ndo mupanga ngomu tshidzikini husa dzikuwi
Nge nda mufuna ndisi mutame
Nde u do da u doto lenga
Nandi naa nyanenge wa mbilu yanga
Ndi lila ndi sabvi mitodzi ngeno mbilu yo onyana
Nge a I mbulumbudza luruni ahana u I kuvhatedza
Fhedzi ndisi tovhowe maipfi madifha nda lunzhedza ndisa neti
Lenda fara lavha lauri u do da u doto lenga
Ni mpfarele gondoni nda fhira sa lurwanzhivha
Bele utovha u mpheni ngeno mbilu I dzamba
Nge ndi sivhe nayo nda I nekedza ene tombo la mbilu yanga
Nde u do da u doto lenga
Naho vhuludu ha ntasela sa mvula tshilimo
Mudini wa sadoma na gomora nne thinga dzheni
Nge nda lindela ene dzuvha lisa noki nga duvha mbiluni yanga
Naho vha mpfunaho vha nkhumbela lufuno ndi do dzungudza
Nge mbilu ndi sivhe na mbili ndavha nayo funaho ene
Mbinoni nde u do da u doto lenga
Khando kha takuse phalaphala isa athu lila
Zwanda ndo vula ndo lindela u mukuvhatedza tombo la mbilu yanga
Naho vhudzulavhafu nda khadelwa asa athu swika
Wanga muya udo mulindela sa vho lindelaho tshiendedzi vhuimabisi
Wanga muvhili tshaloni wo lala nge wa shaya nungo
Yaweee tombo la mbilu yanga
Khombole ndo lidza nda vhidza lawe dzina
Muludzi nda devha nditshi imba lwawe lufuno
Vhenda ruma vhe milaedza vho swikisa
Fhedzi phindulo I ntakadzaho nditshe ndoi tielela na namusi
Fhedzi nde I do da I doto lenga
Gondo ndo hada ndo nanga nazwithavha misisi
Danga ndo fhata na mapango ndo lugisa
Tshitumba ndo fhata marululu ndo lugisa
Dulu ndo toka na maalo ndo lugisa
Nge nda zwidivha u u ndilani u doto lenga.
No comments:
Post a Comment