Vho dzula mbiluni vhatshi rera ano na ala
Vha akhamala vho nwethuwa hu sina tshi vha takadzaho
Nge mbiluni vha kudzela lufuno
Lufuno lu alamelaho nau thothonya zwivhuya
Zwifhiwa zwa thengo khulu vho shaya
Fhedzi lufuno lufhira thengo khulu mbiluni vho kamata
Vha dededzana zwivhangani vhatshi sedza lufuno lwavho
Nge vha diivha uri na maanga asa takaleli zwi nakaho o alama tshikhalani
Thongwana dzi thavhaho nayo dza lufuno lwavho dzo dala gondoni
Nandi naa vho funanaho
Ahuna mukwita u sina tshivhanga
Ahuna vhutshilo vhu sina khaedu
Divhani matshelo ninga vuwa no kudana
Fhedzi kondelelanani nge zwena hwesana dzimbiluni zwivha zwivhuya
Lufuno kha luvhe mutingati ngena vhudzana u funana
Lwanzhe welani nga dzimbilu ni nothe fhedzi no dzula mutumbani wa vheiwe
Zwivhuya vhonani nisi nazwo dzimbilunu
Dakalo ni kovhelani sa lushie na tshixele
Mulalo ni avhelani sa thombi I fhisaho ndongwanani ya musuku
Zwoni tanganyisaho luvhe lufuno nga ngoho ni funane
(Duvha lavhudi la vhafunani kha vhothe vho funanaho. Ndisa ambi fhedzi lufuno lwa mboho na tsadzi fhedzi nditshi amba lufuno ngau angaredza)
No comments:
Post a Comment